1864թ. այս օրը ծնվեց արևելագետ, հնէաբան, լեզվաբան Նիկողայոս Մառը:
Նիկողայոս Մառը ծնվել է Ռուսական Կայսրության Քութաիսի քաղաքում, (Վրաստան) քաղաքի բուսաբանական այգու հիմնադիր, ծեր շոտլանդացի Սքոթ Ջեյմս Մառի և երիտասարդ վրացուհի Աղաֆիա Մուգալարիայի ընտանիքում։ 1891 թ Մառը ընդունվել է Սանկտ Պետերբուրգի համալսարան, իսկ ավարտելուց հետո անցել է այնտեղ աշխատանքի` 1911թ. դառնալով արևելագիտության ֆակուլտետի դեկան։
1912 թ նա դառնում է Ռուսական Գիտությունների Ակադեմիայի անդամ։ 1904թ. Մառը, Թորոս Թորամանյանի օժանդակությամբ, իրականացրել է Հայաստանի հնագույն մայրաքաղաքներից մեկի` Անիի պեղումները, ինչպես նաև հետազոտել է հին հայկական և վրացական գրականությունը։