Արևելյան Երուսաղեմի մոտ գտնվող պաղեստինյան Ջաբալ Մուքաբիր գյուղի մոտ սկսվել է իսրայելական Նոֆ-Ցիոն բնակավայրի կառուցումը, որը դադարեցվել էր 2009 թ.: Խնդիրը այն է, որ Մայամիից այստեղ տեղափոխվող 70 կրոնական հրեական ընտանիքներն այլևս չեն գալու Իսրայել, քանի որ տնտեսական ճգնաժամը թույլ չի տալիս դա անել: Այս մասին հաղորդում է Le Temps իտալական թերթը:
Սակայն զրկվելով պոտենցիալ հաճախորդներից` Digal Investments and Holdings Ltd ընկերությունը, որը սնանկացման եզրին է հայտնվել, բանակցություններ է սկսել ամերիկյան պաղեստինցու հետ, որը պատրաստվում է գնել ընկերությունը` բնակավայրի շինարարությունը դադարեցնելու համար:
Պաղեստինցիների համար սկզբունքային է, որպեսզի հրեական բնակավայրերի շինարարությունը դադարեցվի, իսկ այս մեթոդը կարող է թույլ տալ դադարեցնել շինարարությունը, քանի որ այսօր շատ հրեական շինարարական ընկերություններ լուրջ խնդիրների առաջ են կանգնած:
Իրենք՝ իսրայելցիները, սա վտանգավոր նախադեպ են համարում, քանի որ 1967թվից ի վեր, երբ Իսրայելը վերահսկողություն հաստատեց պաղեստինյան ողջ տարածքի վրա և սկսեց նոր բնակավայրեր կառուցել, այսպիսի դեպքեր չեն արձանագրվել:
