Այսօր ԱՄՆ Կոնգրեսում վերջապես կարող է ավարտին հասնել Հարձակվողական սպառազինությունների կրճատման պայմանագրի վավերացումը, որը կարևոր նշանակություն ունի համաշխարհային անվտանգության համար: Այն 2010 թ. ապրիլին ստորագրվել է ԱՄՆ և ՌԴ նախագահների կողմից և ենթադրում է միջուկային սպառազինությունների շեշտակի կրճատում, ինչպես նաև իրենց երկրների սահմաններից դուրս միջուկային զենքի տեղադրման անթույլատրելիություն:
Դեմոկրատական մեծամասնության պահանջով, քվեարկությամբ պայմանագրի վերաբերյալ քննարկումները դադարեցվել են: Հիշեցնենք, որ հանրապետականները ցանկանում են տապալել այդ պայմանագրի վավերացումը անսահման եկար քննարկումներ նախաձեռնելու միջոցով:
Օբաման կարծես հետզհետե հասնում է իր նպատակին. նրան հաջողվել է այս հարցում իր կողմը թեքել մի շարք հանրապետականների ևս, ինչը թույլ է տալիս վավերացնել բանաձևը: Այս մասին հաղորդում է Associated Press լրատվական գործակալությունը: