ՄԱԿ-ի Գլխավոր ասամբլեան կոնսենսուսով ընդունել է բանաձև, որով 2013 թ. հռչակվել է Ջրային համագործակցության միջազգային տարի: Առաջին անգամ այսպիսի նախաձեռնությամբ հանդես է եկել Տաջիկստանի նախագահ Էմոմալի Ռահմոնը 2009 թ. Ստամբուլի Ջրային համաշխարհային ֆորումում: Բանաձևի համահեղինակ են դարձել 18 երկիր, այդ թվում՝ Հայաստանը:
Այս մասին հայտնում է УКРИНФОРМ գործակալությունը:
Բանաձևում նշվում է, որ ջուրը տարեցտարի մեծ նշանակություն է ձեռք բերում կայուն զարգացման, այդ թվում՝ շրջակա միջավայրի պաշտպանության և աղքատության ու սովի հաղթահարման համար:
Ինչպես նշվում է, Ջրային համագործակցության միջազգային տարին պետք է հարթակ դառնա միջազգային և տարածաշրջանային կազմակերպությունների, կառավարությունների, քաղաքացիական հասարակությունների և գործարարության միավորման համար, որպեսզի բարձրացվի իրազեկությունը ջրային ռեսուրսների բաշխման հարցում: