1900թ. այս օրը Գերմանիայի Լայպցիգ քաղաքում լույս տեսավ «Իսկրա» թերթի առաջին համարը` Վ. Ի. Լենինի խմբագրությամբ:
19-րդ դարի վերջին ռուսական սոցիալ-դեմոկրատների շրջանում գոյություն ունեցող գաղափարական տարաձայնությունների և կազմակերպական անջատվածության պայմաններում չափազանց դժվար Էր ստեղծել բանվոր դասակարգի միասնական մարքսիստական պարտիա։ Վ. Ի. Լենինը միասնական պարտիայի ստեղծման Համար առաջին գործնական քայլը համարում Էր Համառուսական քաղաքական լրագրի ստեղծումը։ Լրագիրը, նրա կարծիքով, պետք Է լինի այն թելը, որը որմնադիրին ցույց Է տալիս, թե շենք կառուցելիս որտեղ պետք Է շարել քարերը:
Միայն այդպիսի քաղաքական լրագիրն Էր ի վիճակի սոցիալ-դեմոկրատական խմբակները շեղել տեղական նեղ շահերից և նրանց ներգրավել ընդհանուր պարտիական և ընդհանուր դասակարգային խնդիրների համար մղվող պայքարի մեջ։
Այդպիսի լրագիրը, նշում Էր Լենինը, կդառնա ոչ միայն կոլեկտիվ պրոպագանդիստ և ագիտատոր, այլև կոլեկտիվ կազմակերպիչ կլինի այն գլխավոր օղակը, որից բռնելով միայն հնարավոր կլինի հասնել ցանկալի նպատակին՝ ստեղծել միասնական ու ամրակուռ պարտիա:
Այդպիսի թերթ հանդիսացավ Լենինի ստեղծած «Իսկրա»-ն, որը կարճ ժամանակամիջոցում այնքան շատ բան արեց մասսաների քաղաքական դաստիարակության համար:
«Իսկրա»-ն անողոք պայքար ծավալեց մարքսիզմի ամեն գույնի ոչ երանգի թշնամիների դեմ և հաղթանակով դուրս եկավ այդ պատվավոր պայքարից։
«Իսկրա»-ն Լենինի ղեկավարությամբ դարձավ ռևոլյուցիոն սոցիալ-դեմոկրատիայի մարտական օրգանը: Նա արթնացնում Էր մասսաների ռեոլյուցիոն գիտակցությունը, պրոլետարիատին պայքարի հանում, բանվորական շարժումը միացնում գիտական սոցիալիզմին, զարգացնում մարքսիստական թեորիան, մշակում ռևոլյուցիոն տակտիկա և դրանցով զինում բանվոր դասակարգին։
«Իսկրա»-ի ձայնը հասնում Էր Ռուսաստանի բոլոր անկյունները և շահագործվող դասակարգերին կոչ Էր անում համախմբվել մարքսիզմի դրոշի ներքո։
