Այսօր «Դե ֆակտո» ակումբում «Ժառանգության» փոխնախագահ Ռուբեն Հակոբյանը, ամփոփելով 2010 թվականի Հայաստանի արտաքին քաղաքականության արդյունքը, նշեց, որ այս տարի հայ-թուրքական նախաձեռնող քաղաքականությունը սխալ էր, որովհետև ոչ մի օգուտ չտվեց. Թուրքիան դարձավ տարածաշրջանի կարևոր գործոններից մեկը, կարողացավ խոչընդոտել Հայոց ցեղասպանության ճանաչմանը՝ պատճառաբանությամբ, թե պետք չէ խոչընդոտել հայ-թուրքական հարաբերությունների կարգավորման գործընթացին: Անդրադառնալով Լեռնային Ղարաբաղի խնդրի կարգավորմանը՝ Ռ. Հակոբյանը ասաց, որ իշխանությունները ստատուս քվոյի պահպանումը համարում էին դրական, սակայն հարկ է նշել, որ տարածքները չեն բնակեցվել, անգամ արտագաղթ է տեղի ունեցել, ուստի ստատուս քվոյի պահպանումը չպետք է ինքնանպատակ լինի:
Լուսանկարը` PanarmenianPhoto-ի
