Գյումրիի «Շիրակ»-ի մամուլի ծառայությունից հայտնում են, որ հաջորդ մրցաշրջանի նախաշեմին ակումբը համալրվել է երկու նոր ֆուտբոլիստներով։ Թիմ են վերադարձել գյումրեցիներ Կարեն Ալեքսանյանն ու Արմեն Տիգրանյանը, ովքեր նախորդ մրցաշրջանում հանդես էին գալիս Երևանի «Ուլիս»-ում։
Արմեն Տիգրանյանի հետ կնքվել է մեկ, իսկ Կարեն Ալեքսանյանի՝ երկու տարվա պայմանագիր։
Ավելացնենք, որ այս ֆուտբոլիստները արդեն խաղացել են «Շիրակ»-ի կազմում. մասնավորապես, Կարեն Ալեքսանյանը 1997-ից 2003 թթ. 137 խաղ է անցկացրել «Շիրակ»-ում ու դարձել 43 գոլի հեղինակ։ 1999 թվականին Ալեքսանյանը «Շիրակ»-ի կազմում հռչակվել է Հայաստանի չեմպիոն։ 2004-ին նա կրկնել է այդ հաջողությունը Երևանի «Փյունիկ»-ի կազմում՝ դառնալով նաև Հայաստանի գավաթակիր։
2003, 2004 և 2007 թթ. Ալեքսանյանը Քիշնևի «Զիմբրու»-ի կազմում երեք անգամ նվաճել է Մոլդովայի գավաթը։
Արմեն Տիգրանյանը «Շիրակ»-ի կազմում հանդես է եկել 2004 թվականին։
Արմեն Տիգրանյան
Կիսապաշտպան
Ծնվել է 1985 թվականի նոյեմբերի 25-ին Գյումրիում
Հանդես է եկել՝
Թվական Ակումբ Խաղեր (Գոլեր)
2004 Շիրակ Գյումրի 6 (1)
2005 – 2007 Փյունիկ Երևան 56 (1)
2007 – 2008 Զոբ Ահան (Իրան) 6 (0)
2008 – 2009 Գոմել (Բելառուս) 11 (0)
2009 – 2010 Ուլիս Երևան 30 (1)
Արմեն Տիգրանյանը 3 անգամ խաղացել է Հայաստանի հավաքականի կազմում։
Կարեն Ալեքսանյան
Կիսապաշտպան
Ծնվել է 1980 թվականի հունիսի 17-ին Գյումրիում:
Հանդես է եկել՝
Թվական Ակումբ Խաղեր (Գոլեր)
1997-2003 Շիրակ Գյումրի 137 (43)
2004 Փյունիկ Երևան 22 (3)
2004-2007 Զիմբրու (Մոլդովա) 53 (2)
2008 Բանանց Երևան 4 (0)
2008-2009 Տորպեդո Ժոդինո (Բելառուս) 11 (1)
2009-2010 Ուլիս Երևան 24 (0)
Կարեն Ալեքսանյանը 25 անգամ հանդես է եկել Հայաստանի հավաքականի կազմում:
