Ինչպես հենց նոր փոխանցեց The Armenain Weekly-ն, Ամերիկայի Հայ դատի գրասենյակը տարածել է հայտարարություն` ուղղված համայնքին և բանաձևի ճանաչումը պաշտպանողներին, որտեղ ասված է, որ «Այսօր կարող է լինել Կոնգրեսի (աշխատանքների – խմբ.) վերջին օրը: Միայն ժամեր են մնացել ԱՄՆ ներկայացուցիչների պալատին այս տարվան հրաժեշտ տալու համար: Սա վերջին հնարավորություն է, երբ Պալատի առաջնորդները կարող են ընդունել Հայոց Ցեղասպանության մասին թիվ 252 բանաձևը:
Եթե Դուք նույնիսկ նախկինում զանգել եք, մի պահ հատկացրեք` Կոնգրեսից պահանջելու հարգել հանցագործության անմեղ զոհերի հիշատակը»:
Այնուհետև Հայ դատի գրասենյակը կրկին ներկայացրել է այն հեռախոսահամարները, որոնց պետք է զանգեն մտահոգ քաղաքացիները` պահանջելու համար ընդունել բանաձևը:
