Ըստ France Presse-ի` այն տաքսու վարորդներին, որոնք աշխատում են Նյու Յորքի վտանգավոր շրջաններում, կբաժանվեն զրահաբաճկոններ: Այդ հատուկ համազգեստը կստանան Բրոնքսում, Բրուքլինում և Քվինսում աշխատող տաքսու վարորդները:
Այդպիսի առաջարկություն է արել Նյու Յորքի տաքսու վարորդների ֆեդերացիան (New Federation of Taxi Drivers): Կազմակերպության ներկայացուցիչները մոտ ժամանակներս մտադիր են դիմել Նյու Յորքի ոստիկանությանը` ավելի մեծ քանակի զրահաբաճկոններ ստանալու համար:
Սրանով նրանք ցանկանում են պաշտպանել այն վարորդներին, որոնք կանչով գալիս են այս շրջաններ:
Նյու Յորքի տաքսու վարորդների ֆեդերացիայի նախագահ Ֆերնանդո Մատեոն հայտնել է, որ Նյու Յորքի տաքսիստների վրա ամեն ամիս կատարվում է մոտ 300 հարձակում: 2010 հունիսին սպանվել է Բրոնքսում աշխատող վարորդը: Դեկտեմբերին Քվինսում աշխատող մեկ այլ վարորդ ծանր վիրավորվել էր և թալանվել: Հենց նույն մասում Մատեոն տաքսու վարորդներին կոչ արեց լավ մտածել` մինչև աֆրոամերիկացի կամ լատինամերիկացի տեղափոխելը: Այս խոսքերի համար նա ենթարկվեց քննադատության:
Նյու Յորքի քաղաքապետ Մայքլ Բլումբերգը հայտնել է, որ վարորդներին զրահաբաճկոն տրամադրելու անհրաժեշտություն չկա: Այս մասին հաղորդում է lenta.ru-ն:
