Ինչպես հաղորդում է «Haber Turk» թերթը, Թուրքիայի ամենամեծ հյուրանոցներից մեկը` Mardan Palace-ը, որն իր սեփականատիրոջ` հայտնի ռուսաստանցի գործարար Թելման Իսմայիլովի համար արժեցել է 1,4 մլրդ դոլար, հոսանքազրկվել է, քանի որ կուտակվել է 2 մլն դոլարի պարտք: Թերթը տեղեկացրել է, որ եթե պարտքերը չմարվեն, ապա հյուրանոցի վրա կալանք կդրվի:
Հիշեցնենք, որ այս հյուրանոցը սեփականատեր Իսմայիլովը երկար ժամանակ ստիպված էր ապրել Թուրքիայում, քանի որ Ռուսաստանում նրա և նրա ընկերության դեմ քրեական գործեր էին հարուցված` «Չերկիզովսկայա» շուկայւմ անօրինական ապրանքաշրջանառություն իրականացնելու համար: Ռուսաստանում նրա դեմ գործերը հարուցվել էին նաև այն բանից հետո, երբ հայտնի է դարձել, որ հյուրանոցի բացման արարողության վրա Իսմայլիլովը ծախսել է 35 մլն դոլար:
Այս պահին հյուրանոցի էլեկտրամատակարարումն իրականացվում է գեներատորների միջոցով: Հայտնի է նաև, որ պարտքերի մարման համար հյուրանոցի ղեկավարությանը տրվել է 3 շաբաթ ժամանակ: