Վաշինգտոնում ԱՄՆ բանակի նախկին զինվոր Քևին Ուիլյամ Հարֆամը, որը մեղավոր էր ճանաչվել Մարտին Լյութեր Քինգի հիշատակի օրվա շքերթի ժամանակ ահաբեկչություն կազմակերպելու մեջ, դատապարտվել է 32 տարվա ազատազրկման: Ինչպես հաղորդում է Reuters գործակալությունը՝ վկայակոչելով դատարանի ներկայացուցչին, դա նման հանցագործության համար սահմանվող ամենամեծ պատժաչափն է:
Քևին Ուիլյամ Հարֆամանի գործի քննությունն ընթացել է Վաշինգտոնի Սփոքան քաղաքի Դաշնային շրջանային դատարանում: Հետաքննության տվյալներով՝ այս տարվա մարտին ձերբակալված 37-ամյա Քևինը լայն կապեր է ունեցել ծայրահեղական ռասիստների հետ:
Քևին Հարֆամը 2011 թ. հունվարի 17-ին Մարտին Լյութեր Քինգի հիշատակի օրվա շքերթի ժամանակ ահաբեկչություն էր նախապատրաստել: Պայուսակում տեղադրված պայթուցիկ սարքը պատահաբար հայտնաբերվել է 3 աշխատակիցների կողմից, որոնք այդ մասին տեղյակ են պահել ոստիկանությանը:
