WikiLeaks կայքը հրապարակել է մի փաստաթուղթ, որում գրաված է, թե ԱՄՆ-ն և Իսրայելի ղեկավարությունը պայմանավորվածություն են ունեցել պաղեստինյան տարածքում հրեական բնակավայրերի կառուցման վերաբերյալ: Կան նաև տեղեկություններ, որ երկու կողմերը համակարգել են իրենց աշխատանքը «Համասի» դեմ պայքարում:
Այս հաղորդագրությունը հակասության մեջ է ամերիկյան իշխանությունների այն հայտարարությունների հետ, համաձայն որոնց՝ ԱՄՆ պետքարտուղարությունը Իսրայելից պահանջում է չշարունակել շինարարությունը Սամարիայում և արևելյան Երուսաղեմում:
Հաղորդագրության մեջ նաև նշվել է, որ Իսրայելի և Պաղեստինի հատուկ ծառայությունները համագործակցել են: Փաստաթղթից իմանում ենք, որ իշխող ՖԱԹՀ կուսակցությունը «Համասի» դեմ պայքարում իսրայելական հատուկ ծառայություններից ստացել է տարբեր բնույթի տեղեկություններ, որոնք թույլ են տվել ՖԱԹՀ-ին իշխանությունը պահել Արևելյան ափում:
Այս մասին հաղորդում է իսրայելական Cursor կայքը: