Այսօր՝ ժամը 16:00-ին, Հայաստանի 4 քաղաքներում` Երևանում, Գյումրիում, Վանաձորում և Արմավիրում, միաժամանակ մեկնարկեց «Ժառանգություն» կուսակցության կազմակերպած ավտոերթը իշխանությունների կողմից իրականացվող՝ պարտադիր ավտոապահովագրման քաղաքականության դեմ: Երևանում երթը համակարգում էր պատգամավոր Արմեն Մարտիրոսյանը, Վանաձորում` պատգամավոր Լարիսա Ալավերդյանը, Գյումրիում` «Ժառանգության» վարչության քարտուղար Կարինե Հակոբյանը իսկ Արմավիրում` պատգամավոր Անահիտ Բախշյանը:
Երևանում ավտոերթը սկզբնավորվել է «Հրազդան» մարզադաշտին հարող Բրազիլիայի հրապարակից: Պտտվելով քաղաքի կենտրոնի շուրջը` այն կավարտվի Հանրապետության հրապարակում: