«Կենսաթոշակային բարեփոխումների կառավարական տարբերակն ընդհանրապես արդյունավետ չէ։ Տեսեք, արդեն մի քանի տարի է՝ օրենք են փոխում։ Երեկ չէ մյուս օրվա ընդունած օրենքը, որը ես քննադատել էի, նորից փոխում են։ Ուրեմն թերի էր, չէ՞։ Չեմ կարծում, որ այդ փոփոխություններից հետո էլ այն կյանքի կոչվի»։ Առաջին լրատվականի հետ զրույցում ասաց ՀՀ նախկին վարչապետ Հրանտ Բագրատյանը: «Պարզապես արտասահմանի առաջ պարտավորվել են անել՝ անում են։ Եթե իսկապես ուզում են կյանքի կոչել, ապա բյուջեում առնվազն մի 60 մլրդ դրամի ծախս պետք է նախատեսեն։ Այս պահի դրությամբ նման ծախս չկա։ Համենայնդեպս, բյուջեի այն տարբերակը, որը առկա է պաշտոնական կայքում, նման հոդված չունի»։