«Այդ սցենարի դեպքում ԲՀԿ-ն տարալուծվելու է ՀՀԿ-ի կամ ինչ-որ մի նորացված Հանրապետական կուսակցության և վերջանալու», – ՀՀԿ-ի հետ միասնական ցուցակով գնալու դեպքում Գագիկ Ծառուկյանի կուսակցությանն այսպիսի ապագա է կանխատեսում Մոսկվայի «Միաբանություն» ակումբի ղեկավար Սմբատ Կարախանյանը, ում հետ «Ժողովուրդ»-ին տված հարցազրույցի շարունակությունը ներկայացնում ենք ստորև:
-Պարոն Կարախանյան, առաջիկա զարգացումներում Ռոբերտ Քոչարյանի դերակատարության մասին ի՞նչ կասեք:
-Ռոբերտ Քոչարյանը մինչև վերջին պահը, իմ կարծիքով, չի խառնվելու իրավիճակներին: Այսինքն՝ մանր կամ տակտիկական հարցերում, իսկ սկզբունքորեն վերջում հարցը գնալու է այսպես, եթե «Բարգավաճ»-ի և Հանրապետականի այս խոսակցությունը հստակորեն չեկավ ինչ-որ մի ընդհանուր հայտարարի, ապա Ռոբերտ Քոչարյանի դերը կտրուկ կաճի: Եթե այդ հարցը չլուծվի, Ռոբերտ Քոչարյանը ստիպված կլինի ակտիվ մտնել քաղաքական դաշտ, հայտարարություններ անել և այլն:
Հարցը՝ կա՛մ աջ, կա՛մ ձախ, իմ կարծիքով վերջնականապես կլուծվի հունվարի վերջին` փետրվարի սկզբին: Ռոբերտ Քոչարյանի թեման երկու-երեք տարի Է՝ արծարծվում է. բնական է, նա ունի բիզնես, տնտեսական, քաղաքական խնդիրներ ու շահեր, որոնք պետք Է պահի՝ ձգտելով ստանալ երաշխիքներ: Դրա համար Քոչարյանին անհրաժեշտ Էր, ինչպես ցանկացած այլ երկրում նախագահության ինստիտուտի միջոց անցած ցանկացած այլ մարդու, ունենալ իրեն հավատարիմ մեկ-երկու քաղաքական ուժերը, որպեսզի պահվեն իշխանության մեջ: Բայց հարցը, որ դրվում Է մամուլում, թե նա միանշանակ ուզում Է Ռուսաստանի հովանավորությամբ մտնել քաղաքական դաշտ և այլն, այսօր բոլորի համար պարզ է, որ նման բան չկա:
-Այնուամենայնիվ, ինչպե՞ս կլուծվի ԲՀԿ-ՀՀԿ սրացումը՝ կգնան միասի՞ն, թե՞ առանձին-առանձին:
-Համենայնդեպս այսօրվա դրությամբ իրավիճակն այսպիսին է. ԲՀԿ-ն ինքը մինչև վերջ, իր բոլոր ռեսուրսներով առևտուր Է անելու: Այսինքն՝ առևտուր է անելու և՛ իշխանական դաշտի, և ընդդիմադիրների հետ: Հարցը միայն Կոնգրեսին չի վերաբերում: Բայց հիմա ԲՀԿ-ի առաջ էլ պրոբլեմ կա. եթե ինքը գնում է դեպի իշխանական դաշտ, այսինքն՝ միասնական ցուցակով մտնում Է խորհրդարան, ապա միանշանակ կորցնում է ոչ միայն կուսակցության շատ անդամների և համախոհների աջակցությունը, այլև Ռուսաստանի օգնությունը, որ նա ունեցել կամ օգտագործել է: Սա հասկանում են բոլորը: Այդ սցենարի դեպքում ԲՀԿ-ն տարրալուծվելու է ՀՀԿ-ի կամ ինչ-որ մի նորացված Հանրապետական կուսակցության և վերջանալու:
Եթե նույնիսկ իրենց բիզնես շահերն ինչ-որ ձևով պահեն, որպես քաղաքական ուժ՝ ինքը վերանալու է: ԲՀԿ-ն շատ լավ հասկանում Է դա, դրա համար պետք Է առավելագույնս ձգի այս իրավիճակը, վերջին մոմենտին նայի, տեսնի՝ ինչ է կատարվում ռեալ քաղաքական ուժերի դասավորվածության առումով: Այնպես որ, հայաստանյան գարունը կսկսվի փետրվարին և կշարունակվի մարտին:
-Տեսականորեն հնարավո՞ր Է, որ ԲՀԿ-ն միանա Կոնգրեսին:
-Միանալու խնդիր չկա, տեսականորեն, բնականորեն և գործնականորեն հնարավոր է, որ բոլոր ուժերը՝ ԲՀԿ-ն, «Ժառանգություն»-ը, Կոնգրեսը, լինեն իրար հետ: Ռուսաստանը բոլոր այն ընդդիմադիր ուժերին, որոնց հետ կան շփումներ, հստակ ասել Է՝ մենք ձեզնից ուզում ենք հայամետ քաղաքականություն: Այսինքն՝ հայ ազգային պետականության քաղաքականություն: Բայց էսօրվա դրությամբ պուտինյան նոր թիմը, իսկ Պուտինը ընտրվելու Է նախագահ ավելի շատ ձայներով քան «Եդինայա Ռոսիա»-ն, խնդիր Է դնելու, որպեսզի Հայաստանը վարի հայամետ քաղաքականություն:
-Ձեր կարծիքով՝ Պուտինը լոյա՞լ է վերաբերվում Հայ ազգային կոնգրեսին:
-Ես չգիտեմ, թե Կոնգրեսի քաղաքական մարմինն ընտրություններից առաջ ինչ որոշումներ կընդունի, բայց այսօրվա դրությամբ կարող եմ ասել, որ մասամբ մասնակից լինելով բոլոր այդ հանդիպումներին և բանակցային պրոցեսներին՝ Կոնգրեսից հստակ մի բան Է ակնկալվում, որ տարվի հայամետ քաղաքականություն: Հարցը դրված չէ ռուսամետ, այլ՝ հայամետ: Հարցը դրվում է այսպես, մենք ինչ տեսակ Հայաստան ենք ուզում, որ արևմտյան կցորդ դառնա ու տարբեր ասոցացված միությունների միջոցով մտնի Թուրքիայի տա՞կ, արևմտյան ստրատեգները Հայաստանում ստեղծեն տրանզիտային արտաքին ռազմական հարթակնե՞ր: Հետո էլ վերջին պահին գան ռուսների գիրկը, ասեն. «Մենք ձերն ենք՝ ոտքով գլխով, հոգով սրտով»:
-Պարոն Կարախանյան, հաշվի առնելով այս տրամադրությունները, ըստ Ձեզ, դրանք ինչպե՞ս կանդրադառնան «Հայաստան» համահայկական հիմնադրամի առաջիկա ճաշկերույթ-դրամահավաքի հանգանակության վրա:
֊Ըստ իս, այս անգամ այն կանցնի շատ իներտ: Բոլորս հնարավոր ամեն ինչ անում ենք, օգնում: Բայց մարդիկ չեն տեսնում դրա արդյունքները: Մարդիկ գալիս ասում են՝ «մենք էլի անենք, բայց չենք տեսնում արդյունքը»: Ինքս, օրինակ, շատ բիզնեսմեններ գիտեմ, որոնց անունները չեմ ուզում տալ, որովհետե. այն հայտնի անունները չեն, որ անընդհատ շրջանառության մեջ են. չկան, բայց բոլոր մարդիկ ասում են: Կեսից շատն էլ, կներեք արտահայտությանս համար, քցված են… Հայաստանում տարբեր բիզնեսների մեջ:
