Մոսկվայի նախկին քաղաքապետ Յուրի Լուժկովը, որին սեպտեմբերի վերջին ՌԴ նախագահ Մեդվեդեւը հեռացրել էր զբաղեցրած պաշտոնից, որպես դեկան իր առաջին դասախոսությունն է կարդացել Մոսկվայի միջազգային համալսարանի ուսանողության համար: Հոկտեմբերի 5-ից նա գլխավորում է նույն համալսարանի Խոշոր քաղաքների կառավարման ֆակուլտետը: Մի քանի օր առաջ Լուժկովը կնոջ հետ մեկնել էր Ավստրիա, եւ շատերը կարծում էին, թե մոտ ժամանակներում չի վերադառնա Ռուսաստան, քանի որ նրա եւ կնոջ նկատմամբ մի շարք քրեական գործեր են հարուցվել կամ լրատվամիջոցների կողմից սեւ PR է իրականացվում:
Լուժկովին լսելու համար հավաքվել է մոտ 150 ուսանող: Նա եղել է լավ տրամադրությամբ եւ ուսանողներին նույնիսկ անեկդոտներ է պատմել: