Գիտնականները պնդում են, որ կարողացել են ստեղծել մի տեսախցիկ, որը կարող է նկարի միջոցով ցույց տալ լույսի արագությունը:
Daily Mail-ը գրում է, որ տեսախցիկը ստեղծվել է Մասաչուսեթսի տեխնոլոգիաների ինստիտուտի գիտնականների կողմից, ովքեր, սակայն, հայտնում են, որ որոշ ժամանակ է հարկավոր, մինչ տեսախցիկը հասանելի լինի հանրությանը:
Հետազոտողները կարծում են, որ գերարագ լուսանկարչությունը կարող է մոտակա 10 տարիների ընթացքում բավականին օգնել մարդկությանը:
Տեխնոլոգիաների ինստիտուտում աշխատող գիտնական Ռամեշ Ռասկարն ասել է, որ գերարագ լուսանկարչության միջոցով հնարավոր կլինի ուսումնասիրել, թե ինչպես են ֆոտոնները/պրոտոնները ճանապարհորդում տարածության մեջ:
Տեսախցիկը կարող է նաև 3D նկարներ անել, քանի որ այն ունակ է «տեսնել» լույսի ֆոտոնները/պրոտոնները անգամ առարկաների ներսում:
Ռասկարն ասել է, որ սա նման է լույսը շարժման մեջ տեսնելուն. «Տեսախցիկը լույսի արագությունն է լուսանկարում, իսկ տիեզերքում ոչինչ դրանից արագ չի շարժվում, այսինքն` մենք ստղծում ենք գերարագ լուսանկարչություն»:
