Ջերմաստիճանի նվազման հետ մեկտեղ հայերը յուղոտ մաշկի հետևանքով ունենում են մազաթափություն: Այս մասին այսօր հրավիրված ասուլիսում նշեց բժիշկ, մաշկաբան Գայանե Վարդանյանը: Սակայն նա նշեց, որ մազաթափությունը հնարավոր է կանխել ճիշտ խնամքի արդյունքում: Օրինակ` ձմռանը օգտագործել ճիշտ հիգիենիկ պարագաներ, կրել գլխարկներ: Մեր այն հարցին,թե ինչո՞ւ է հիմնականում մազաթափությունը տարածված տղամարդկանց շրջանում,արդյո՞ք դա պայմանավորված է նրանով, որ տղամարդիկ ավելի շատ են մտածում՝ ինչպես պատճառաբանում են իրենք, բժիշկը արձագանքեց՝ շատ մտածելուց մազերը չեն թափվում: Տղամարդկանց մազաթափությունը հիմնականում առաջանում է հորմոնալ խանգարումներից, հետևաբար մազաթափությունը արդյունավետ կանխելու համար խորհուրդ տվեց դիմել մասնագետներին: