Իտալիայի առաջնության 16-րդ տուրի շրջանակներում կայացան երեք հանդիպումներ:
«Կիևո» – «Կալյարի» խաղն ավարտվեց տանտերերի հաղթանակով ` 2:0 հաշվով: Վերոնայի ներկայացուցիչներից աչքի ընկան Կիրիլ Տերեաուն և Ջեննարո Սարդոն` համապատասխանաբար՝ 35-րդ և 57-րդ րոպեներին: Վաստակած 3 միավորներից հետո «Կիևո»-ն մրցաշարային աղյուսակում բարձրացավ 8-րդ հորիզոնական, իսկ «Կալյարի»-ն զբաղեցրեց 12-րդ տեղը:
«Ֆիորենտինա»-ն սեփական հարկի տակ չկարողացավ կոտրել «Ատալանտա»-ի դիմադրությունը: Արդեն 10-րդ րոպեին Ալբերտո Ջիլարդինոն առաջ մղեց տանտերերին: 81-րդ և 86-րդ րոպեներին Ալբերտո Մասիլելոյի և Գերման Դենիսի խփած գնդակներն առաջ մղեցին Բերգամոյի թիմին, սակայն տանտերերը պարտվողի դերում մնացին 2 րոպե, քանի որ Ստեֆան Յովետիչը 88-րդ րոպեին հավասարեցրեց խաղի հաշիվը: «Ատալանտա»-ն և «Ֆիորենտինա»-ն 17-ական միավորով զբաղեցնում են համապատասխանաբար՝ 14-րդ և 15-րդ տեղերը:
Ա Սերիայի գործող չեմպիոն «Միլան»-ն ընդունել էր «Սիենա»-ին և առավելության հասավ 2:0 հաշվով: 54-րդ րոպեին Ռոբինյոյի փոխանցումից հետո դիպուկ գտնվեց Ալբերտո Նոչերինոն, իսկ Զլատան Իբրահիմովիչը 64-րդ րոպեին անվրեպ իրացրեց 11 մետրանոց հարվածը: Վաստակած 3 միավորներից հետո «Միլան»-ը դարձավ առաջնության միանձնյա առաջատար, իսկ «Սիենա»-ն հանգրվանեց 17-րդ տեղում:
