Էրդողանը նամակ է գրել Օբամային

Ինչպես հայտնում է 1news.az-ը` հղում կատարելով РИА Новости-ին,Թուրքիայի վարչապետ Ռեջեփ Էրդողանը նամակ է գրել ԱՄՆ նախագահ Բարաք Օբամային:
Այս մասին հայտնել է Թուրքիայի արտգործնախարար Ահմեդ Դավութօղլուն. «Թուրքիայի վարչապետը նամակ է հղել պարոն Օբամային, որում կոչ է անում թույլ չտալ Հայկական բանաձևի քննարկումը Ներկայացուցիչների պալատում: Վստահ եմ, որ Օբաման, ինչպես միշտ, այս հարցում զգացմունքայնություն կցուցաբերի: Այս լուրերն իմանալուն պես ԱՄՆ-ում մեր դեսպանն արձագանքեց, որից հետո ես հեռախոսազրույց եմ ունեցել Քլինթոնի հետ»,- ասել է Դավութօղլուն։ «Մենք թույլ չենք տա, որ Հայկական բանաձևը «դամոկլյան սրի» պես կախված լինի թուրք-ամերիկյան հարաբերությունների գլխին»,- նշել է Դավութօղլուն ։