Ինչպես հայտնում են Հայաստանում Լեհաստանի Հանրապետության դեսպանատնից, դեկտեմբերի 18-ին այդ երկրի կառավարության «Լեհական օգնություն» ծրագրով իրականացված վերանորոգման նախագծերի ավարտի հանդիսավոր արարողությունները: Դեսպան Զդիսլավ Ռաիչինսկու մասնակցությամբ տեղի է ունեցել Սպիտակի մոտ գտնվող Քարաձորի բժշկական կետի բացումը, որտեղ բուժքույրերը կարող են առաջին օգնություն ցուցաբերել գյուղի հիվանդներին: Արջուտ գյուղում բացվել է ջրատար, որը հիմնականում փախստականներով բնակեցված գյուղի բնակիչներին կապահովի մշտական խմելու ջրով: Արջուտի բնակիչներն ի նշան խորին հարգանքի և շնորհակալության տեղադրել են հուշատախտակ` ի հիշատակ 2010թ. ապրիլի 10-ի Սմոլենսկի մոտ ետղի ունեցած վթարի զոհերի հարգանքի (այդ ավիավթարի ժամանակ զոհվել էր նաև երկրի ղեկավար Լեխ Կաչինսկին):
Վանաձորում բացվել են 3-րդ դպրոցի մարզադահլիճն ու հանդերձարանը, ինչպես նաև տրամադրվել են մարզական գույք և 12 ուսուցչական գրասեղան:
Բացի վերոնշյալից` լեհական կառավարության օժանդակությամբ Վանաձորի մանկապարտեզի համար գնվել է կահույք, ինչպես նաև վերանորոգվել է Դսեղ գյուղի ջեռուցման համակարգը: 2011թ. դեսպանատունը նախատեսում է իրականացնել մի քանի ծրագիր ևս:
