Ինչպես «Առաջին լրատվականը» տեղեկացրել էր երեկ, Ադրբեջանի նախագահ Իլհամ Ալիեւը երեկ կառավարության նիստում, որը նվիրված էր այս տարվա 9 ամիսներին սոցիալ-տնտեսական զարգացման արդյունքներին, անդրադարձել էր նաեւ ԼՂ խնդրին: Ինչպես այսօր հայտնում են ադրբեջանական գործակալությունները, նա նշել է նաեւ, որ պետական բյուջեում ռազմական ծախսերը հատուկ տեղ են զբաղեցնում. «Մենք ձգտում ենք եւ առաջիկայում էլ կձգտենք վերջ դնել «ադրբեջանական հողերի հայկական օկուպացիային։ «Այս տարվա պետական բյուջեում ռազմական ծախսերը հատուկ տեղ են զբաղեցնում։ Սա առաջին տարին չէ, երբ Ադրբեջանի ռազմական ծախսերը, ի տարբերություն այլ ոլորտների, առաջին տեղն են զբաղեցնում»,- ընդգծել է Ալիեւը։