Դեկտեմբերի 16-ին ՀՌԱՀ-ի կողմից 13-րդ անգամ արտոնագրից զրկված «Ա1+»-ն արդեն երկու հայց է ներկայացրել Վարչական դատարան` վիճարկելու ՀՌԱՀ նախագահ Գրիգոր Ամալյանի գործողությունները: Արտոնագրից զրկված «ԱԼՄ» հոլդինգն էլ ձեռքերը ծալած չի նստելու: «ԱԼՄ» հոլդինգի սեփականատեր Տիգրան Կարապետյանը մեզ հետ զրույցում նշեց, որ այս պահին ինքը փաստաբան է վարձել, հիմա սպասում են ՀՌԱՀ-ի կողմից փաստաթղթերի ստացմանը, որ տեսնեն՝ ինչ հիմքերով են մերժել, սակայն հիշեցրեց, որ ինքը ոչ մի բան հենց այնպես չի թողնի, որ պայքարը թեժ փուլ է մտնում. «Մեկամսյա ժամկետը ունենք, և այդ ընթացքում մենք կարող ենք բողոքել: Որոշումը խայտառակ որոշում է, ի՞նչ են անելու դատարանում, ես չեմ պատկերացնում, բայց Եվրադատարան էլ կդիմենք»,- նշեց Տիգրան Կարապետյանը` փաստելով, սակայն, որ դատարանն էլ կմերժի, դրանով ևս մեկ անգամ կխայտառակվի և կվարկաբեկվի դատարանը. «84 աշխատող ունեմ, սա միայն իմ իրավունքը չէ, ես պետք է պաշտպանեմ կոլեկտիվիս իրավունքները»,-ավելացրել է Տիգրան Կարապետյանը: