Ամերիկացի գիտնականները Մայք Օ’Նիլի ղեկավարությամբ սահմանել են կանացի կոշիկի կրունկի իդեալական չափը:
Ինչպես հաղորդում է РИА Новости-ն, նրանց հաշվարկներով՝ կրունկը պետք է ունենա 2.5 սանտիմետր բարձրություն:
Գիտնականները հետազոտության արդյունքում պարզել են, որ ամբողջ աշխարհում անվտանգ համարվող 5 սանտիմետրանոց կրունկը իրականում վնասակար է առողջության համար: Ըստ նրանց՝ ամենահարմար կրունկը դրանից 2 անգամ ցածր պետք է լինի:
Բժիշկները բարձրակրունկ կոշիկների սիրահարներին զգուշացնում են, որ մշտապես չափազանց բարձր կրունկներով կոշիկներ կրելը կարող է լուրջ հետևանքների հանգեցնել: Միաժամանակ, կրունկներից ամբողջությամբ հրաժարվելը նույնպես վտանգավոր է: Բժիշկները հավաստում են, որ վերջին շրջանում առանց կրունկի կոշիկներ նախընտրող կանայք սկսել են հաճախակի բողոքել սրունքների և ոտքի մատների ցավից:
