Հայաստանյան քաղաքական դաշտը ձևավորվում է ոչ թե պրոֆեսիոնալիզմի, այլ սոսկ հավատարմության հիման վրա. կոալիցիան անընդհատ գովում է Սերժ Սարգսյանին, և դա բնական է: Այսօր կայացած քննարկմանը նման տեսակետ հայտնց Ժողովրդական կուսակցության առաջնորդ Տիգրան Կարապետյանը:
«ՀՀԿ-ն ասում է` ժողովուրդը վստահում է մեզ: Եթե վստահում է, ինչո՞ւ եք կոալիցիա կազմել, միայնակ հանդես եկեք»,- հարց հնչեցրեց նա:
Ըստ Տիգրան Կարապետյանի` Հայաստանում յուրաքանչյուրին և ցանկացած պահի կարող են «քցել», վտարել: «Ցանկացած գործարարի ձեռքից կարող են խլել իր բիզնեսը. ուրեմն եկեք համարձակ լինենք և ասենք այն, ինչ կատարվում է Հայաստանում:
Մեր քաղաքական դաշտը ոչ թե գաղափարական է, այլ միջոցներ է փնտրում` կայանալու: Թե ինչ միջոցներ` հարց է»,- նկատեց ԺԿ ղեկավարը:
Ամփոփելով` Կարապետյանը նկատեց, որ իշխանության ներկայացուցիչներից յուրաքանչյուրը մտածում է միայն իր մասին, սեփական գրպանները լցնելու մասին:
