Sharepost բորսայում, որը զբաղվում է մասնավոր ընկերությունների բաժնետոմսերի վաճառքով, վաճառվել է Facebook-ի 165 հազար հասարակ բաժնետոմս` յուրաքանչյուրը 25 դոլար արժողությամբ: Այն ամենամեծ սոցիալական կայքը գնահատեց 56,7 մլրդ դոլար: Sharepost-ի նամակում բորսայի խաղացողներին ասվում է, որ Facebook-ի բաժնետոմսերը մեծ հեղինակություն են վայելել և պահանջարկը գերազանցել է առաջարկին: Այս իսկ պատճառով մոտ ժամանակներս կանցկացվի ևս մեկ աճուրդ:
Բացի այդ, անցյալ շաբաթ Wedbush կենտրոնի վերլուծաբան Լու Քերները հայտարարել է, որ 2015թ. Facebook-ի կապիտալիզացիան կարող է հասնել 200 միլիարդ դոլարի: Մասնագետի կարծիքով, 2010թ. ինտերնետ գովազդի շուկայում ստացված եկամուտը կլինի 110 մլրդ դոլար, իսկ սոցկայքը կստանա դրա 20%-ը: Հետևաբար, հայտարարեց Քերները, 4 տարուց Facebook-ը կտնօրինի ինտերնետի գովազդի 20%-ը:
Մասնագետների կարծիքով, Facebook-ի այսպիսի խելահեղ աճը կախված է նրա օգտատերերի քանակից` մոտ 500 մլն, ինչպես ցանցի համագործակցությունից առցանց առևտրային համակարգերի (օրինակ Groupon-ի), ինչպես նաև Zynga սոցիալական խաղերի հիմնադիրների հետ, որոնք Facebook-ին վճարում են իրենց եկամուտի մի մասը,- նշում է Business Insider-ը:
Նախկինում հայտնի սոցկայքը գնահատվում էր 35 մլրդ դոլար: Անցյալ տարի DST Global ռուսական ներդրումային ֆոնդը դարձել է Facebook-ի ամենամեծ բաժնետերերից մեկը, և բանն էլ հենց այդ է:
Այս մասին հաղորդում է Vesti ալիքը: