РИА Новости-ի փոխանցմամբ՝ հայտնի է դարձել Աբխազիայի առաջիկա խորհրդարանական ընտրությունների անցկացման ժակետը։ Դրանք տեղի կունենան 2012 թվականի մարտի 10-ին։ Համապատասխան փաստաթուղթը ստորագրել է Աբխազիայի նախագահ Ալեքսանդր Անկվաբը։
Աբխազայի խորհրդարանը բաղկացած է 35 մանդատից։ Խորհրդարանական ընտրություններն անցկացվելու են մեծամասնական ընտրակարգով՝ մեկ մանդատանոց օկրուգներում։
Աբխազիայի հիմնական քաղաքական ուժերի թվում նշվում են «Միասնական Աբխազիա»-ն, «Ամցախարա» հասարակական-քաղաքական շարժումը, «Աբխազիայի կոմունիստական» կուսակցությունը, ինչպես նաև ընդդիմադիր Ժողովրդական միասնության ֆորումը։
Հիշեցնենք, որ Աբխազիայի վերջին խորհրդարանական ընտրությունները տեղի են ունեցել 2007 թվականի մարտի 4-ին։
