Թեև այս տարի ճագարի տարի է, և ԿԳ նախարար Արմեն Աշոտյանը ծնվել է այդ տարում, սակայն, ինչպես նա նշեց այսօր հրավիրված ասուլիսում, ինքը հավատում է Աստծո նախախնամությանը: Լրագրողների այն հարցին, թե որտեղ է անցկացնելու Ամանորը, Արմեն Աշոտյանը պատասխանեց, որ ինքը Ամանորը անցկացնում է ծնողների, քրոջ, կնոջ և երեխաների հետ: Միակ Նոր տարին, որ անցկացրել է առանց ընտանիքի, եղել է 1999 թվականին Ֆրանսիայում սովորելու տարին, երբ ընկերներով Հայաստան վերադառնալու գումար չեն ունեցել և Ամանորը անցկացրել են ուսանողական հանրակացարանում: Ձմեռ պապից ստացած լավագույն նվերը նրա երկու որդիներն են, իսկ որդիները այս տարի Աշոտյանի միջոցով Ձմեռ պապից Apple են ուզել, Աշոտյանն էլ խոստացել է միջնորդել Ձմեռ պապիկին: