ԱՄՆ առաջին տիկին Միշել Օբաման այսօր էլեկտրոնային նամակով հայտարարել է, որ հաջողության է հասել և կարողացել է ռեկորդ սահմանել:
Բանն այն է, որ հոկտեմբերին իր նա ներկայացրել է հայտ, ըստ որի պետք է կարողանար մեկ օրվա ընթացքում հավաքել ամենաշատ մարդկանց, ովքեր իր հետ միասին ցատկեր կկատարեին:
Տիկին Օբաման ասել է, որ ծրագրին 300265 մարդ է մասնակցել, ինչը գերազանցում է նախորդ ռեկորդը:
Իր նպատակին հասնելու համար Մ. Օբաման Սպիտակ տան բակում տարրական և միջնակարգ դպրոցների չորս հարյուր աշակերտների էր հրավիրել իր հետ միասին ցատկելու համար: Նմանատիպ միջոցառումներ տեղի են ունեցել նաև երկրի տարբեր այլ հատվածներում:
Associated Press-ը գրում է, որ այս միջոցառումը առաջին տիկնոջ «Եկեք շարժվենք» նախաձեռնության մասն էր, ինչի նպատակն է երեխաների շրջանում խթանել առողջ ապրելակերպը:
