Հանգստյան օրերին Իսպանիայի առաջնությունում կայացան 16-րդ տուրի հանդիպումները: Արդեն տեղեկացրել էինք, որ շաբաթ օրվա կենտրոնական խաղում «Բարսելոնա»-ն 1:5 հաշվով պարտության մատնեց «Էսպանյոլ»-ին: «Ատլետիկ»-ն ու «Վալենսիա»-ն միևնույն՝ 1:2 հաշվով հաղթեցին համապատասխանաբար «Լեվանտե»-ին և «Ռեալ Սոսյեդադ»-ին, իսկ՝ «Վիլյառեալ»-«Մալյորկա»` 3:1: «Դեպորտիվո»-«Սպորտինգ Խիխոն»` 1:1: Կիրակի օրը կայացած խաղերից կենտրոնականը Մադրիդի «Ռեալ»-ի և «Սևիլիա»-ի դիմակայությունն էր, որը ավարտվեց մադրիդցիների հաղթանակով: Խաղն անցավ չափազանց կոպիտ պայքարում. մրցավարը ցույց տվեց 12 դեղին և երկու կարմիր քարտ: Հանդիպման 77-րդ րոպեին միակ գոլի հեղինակ դարձավ Անխել դի Մարիան: Կիրակնօրյա մյուս խաղերում գրանցվեցին հետևյալ արդյունքները. «Ալմերիա»-«Խետաֆե»` 2:3: «Օսասունա»-«Սարագոսա»` 0:0: «Մալագա»-«Ատլետիկո»` 0:3: «Ռասինգ»-«Հերկուլես» հանդիպումը կկայանա այսօր: