Մոլդովայի Հանրապետությունը Մերձդնեստրի ինքնահռչակ հանրապետության իշխանություններից պաշտոնապես պահանջել է ազատ արձակել լրագրող Էռնեստ Վարդանյանին, որը Մոլդովայի օգտին լրտեսություն կատարելու մեղադրանքով Մերձդնեստրի Գերագույն դատարանի կողմից դատապարտվել է 15 տարվա ազատազրկման։ Այս մասին հայտնում է РБК-ն։
Հիշեցնենք, որ Մերձդնեստրի դատարանը դեկտեմբերի 16–ին 15 տարվա ազատազրկման դատապարտեց հայազգի լրագրող Էռնեստ Վարդանյանին։
Դատարանը Վարդանյանին մեղավոր է ճանաչել Մերձդնեստրի ՔՕ 271 հոդվածով (պետական դավաճանություն)։ Նա պատիժը կկրի խիստ ռեժիմի գաղութում։ Դատարանը որոշել էր չբռնագրավել Վարդանյանի ունեցվածքը։
Հայտնում են նաև, թե իբր Վարդանյանը, որ 2010 թ. ապրիլի 7–ին ձերբակալվել էր Տիրասպոլում Մերձդնեստրի հատուկ ծառայությունների կողմից, Մերձդնեստրի պետական հեռուստատեսության եթերում ընդունել է իր մեղքը և խոստովանել, որ համագործակցել է Մոլդովայի հատուկ ծառայությունների հետ: