Շաբաթ երեկոյան կայացան Իսպանիայի առաջնության 16-րդ տուրի առաջին հինգ հանդիպումները: Օրվա կենտրոնական հանդիպումն անկասկած կատալոնական դերբին էր, որում «Բարսելոնա»-ն շարունակեց իր խոշոր հաշվով հաղթանակների շարքը: Այս անգամ զոհի դերում հանդես եկավ «Էսպանյոլ»-ը: Երկուական անգամ Կամենիի դարպասը գրավեցին Պեդրոն (19, 61) ու Վիլյան (76, 85), մեկ անգամ էլ աչքի ընկավ Չավին (30): Ավելորդ չէ նշել, որ Մեսսին դարձավ 3 գոլային փոխանցման հեղինակ: Հանդիպման 63-րդ րոպեին «Էսպանյոլ»-ից հեղինակության միակ գոլը խփեց Օսվալդոն:
Մրցաշարային աղյուսակի 3-րդ տեղում ընթացող «Վիլյառեալ»-ը սեփական հարկի տակ 3:1 հաշվով պարտության մատնեց «Մալյորկա»-ին և ավելացրեց միավորների տարբերությունը 4-րդ տեղում ընթացող «Վալենսիա»-ից, որն իր հերթին 2:1 հաշվով պարտություն կրեց «Ռեալ Սոսյեդադ»-ից:
Մյուս խաղերում գրանցվեցին հետևյալ արդյունքները` «Լեվանտե»-«Ատլետիկ Բիլբաո»` 1:2, «Դեպորտիվո»-«Սպորտինգ Խիխոն»` 1:1:
Այսօրվա հանդիպումներից մեծ հետաքրքրություն է առաջացնում «Ռեալ»-ի և «Սևիլիա»-ի դիմակայությունը:
