Հռոմի պապ Բենեդիկտոս 16-րդը 2012 թ. կայցելի Կուբա: Այս մասին BBC-ին հայտնել է Վատիկանի ներկայացուցիչը:
Սա պատմության մեջ Պապի երկրորդ այցն է Կուբա: Կաթոլիկ եկեղեցու առաջնորդի նախորդ այցը Կուբա եղել է 1998 թ.: Այդ ժամանակ Հովհաննես Պողոս Երկրորդ պապը Հավանայի Հեղափոխության հրապարակում կոչ արեց Կուբային բաց երկիր դառնա ամբողջ աշխարհի համար և փոփոխություններ սկսել երկրում:
Նախատեսվում է, որ Բենեդիկտոս 16-րդը Կուբայում հանդիպում կունենա երկրի ղեկավարության հետ, իսկ հետո կուղևորվի Մեքսիկա և պատարագ կմատուցի այնտեղ:
BBC-ն հավելում է, որ Վատիկանը վերջին տասնամյակի ընթացքում կարևոր դերակատարություն է ունեցել Կուբայում քաղբանտարկյալներին ազատ արձակելու գործում: