Թաիլանդի դատարանը ԱՄՆ քաղաքացուն դատապարտել է 2.5 տարի ազատազրկման` մեղադրելով նրան երկրի թագավորական տունը վարկաբեկելու մեջ: Նա մեղադրվում է թագավորական ընտանքի մասին տեղական արգելված գրականությունից թարգմանություններ անելու և դրանք համացանցում տեղադրելու համար:
Associated Press-ը գրում է, որ Թաիլանդում ծնված, 55-ամյա ամերիկացի Ջո Գորդոնը հանգիստ կանգնած է եղել, երբ նրան հայտնել են մեղադրանքի և պատժի մասին:
Դատավոր Թաուան Ռոդչարոենը ասել է, որ նախապես սահմանվել էր 5 տարի ազատազրկում, բայց այն կրճատվել է, քանի որ Գորդոնը հոկտեմբերին ընդունել է իր մեղքը:
Գորդոնը թագավոր Բհումիբոլ Ադուլյադեյի գրքի մասին հղումներ էր արել դեռևս մի քանի տարի առաջ Ամերիկայի Կոլորադո նահանգից, ինչը հարց առաջացրեց, թե ինչպես կարող է թաիլանդական օրենքը գործել իր սահմաններից դուրս:
