Այսօր վաղ առավոտյան, ոստիկանության 6-րդ վարչության 7 աշխատակիցներ ներխուժել են արձակագիր Արմեն Օհանյանի բնակարան և պահանջել են հետևել իրենց: Ոստիկանները որևէ բացատրություն չեն տվել և ոչ էլ ծանուցագիր են ներկայացրել: Արմեն Օհանյանի օրինական պահանջին, թե առանց ծանուցագրի որևէ տեղ չի գնա, ոստիկաններն ասել են՝ ծանուցագիր հիմա կբերեն, սակայն քիչ անց Արմենին քաշքշելով տարել են իրենց հետ:
Նշենք, որ նա աշխատում է Հայաստան համահայկական հիմնադրամի հասարակայնության հետ կապերի բաժնում:
Մեր ունեցած հավաստի տվյալներով Արմեն Օհանյանը գտնվում է Ազգային անվտանգությունում, հարցաքննվում է որպես վկա Ազգային անվտնագության պետի տեղակալ Միքայել Համբարձումյանի վարույթում գտնվող քրեական գործով: