«Խոսքի իրավունք» միավորումն այսօր տարածել է մամլո հաղորդագրություն, որում ասված է.
««Խոսքի իրավունք» միավորումը դեկտեմբերի վերջում կիրականացնի «Ինտերնետ և հասարակություն» մրցանակաբաշխությունը: Ինչ-որ անհայտ մարդիկ կեղծ տեղեկություններ են տարածելու կամ գուցե արդեն տարածում եմ որ մեր միավորման անդամները վիճել են այն անձանց հետ, որոնք իբր հանդիսանում են «Խոսքի իրավունք»-ի հովանավորներ, ու դրա հետևանքով այդ անձինք ու կազմակերպությունները հրաժարվել են ֆինանսավորել մրցանակաբաշխությանը:
Շտապենք բամբասողներից ավելի վաղ պարզաբանել իրողությունը: Ասենք, որ «Խոսքի իրավունք» միավորումը մոտ 5 ամսվա ժամանակաշրջանում իր գործունեությունը ծավալել է բացառապես էնտուզիազմի հաշվին: Մենք երբեք չենք ունեցել հովանավորներ: Իսկ «Ինտերնետ և հասարակություն» մրցանակաբաշխությունն իրականացնելու համար մենք դիմել էինք որոշ կազմակերպությունների: Սակայն նրանց մեջ եղան ոմանք, ովքեր պահանջեցին, որպեսզի մենք նոմինացիայից հանենք մի քանի պոտենցիալ մրցանակակիրների անուններ: Բնականաբար, նրանց պահանջը մերժվեց:
Այդ ամենի պատճառով «Ինտերնետ և հասարակություն» մրցանակաբաշխությունն իրականացվելու է՝ չունենալով գումար և աջակից:
Սակայն մենք չենք ընկճվում և մեր գործունեության գլխավոր սկզբունքը համարում ենք անկախությունը: Մրցանակները հանձնվելու են հետևյալ անվանակարգերոմ.
Լավագույն սոցիալական հոլովակ
Լավագույն մանկական կայք
Լավագույն հումորային նախագիծ
Լավագույն սոցիալական իվենթ ֆեյսբուքում
Լավագույն քաղաքացիական նախաձեռնություն
Ամենաակտիվ ֆեյսբուքյան խումբ
Մրցանակաբաշխության նպատակը` խրախուսել ինտերնետում, սոցիալական նախագծերի իրականացումը: Անվանակարգերը հայտնի կդառնան դեկտեմբերի վերջին՝ միասին, իսկ հատուկ մրցանակներն արդեն հայտնի են դառնում այս օրերին`առանձին և անակնկալ կերպով»
