Ադրբեջանի պաշտպանության արդյունաբերության ոլորտում կսեղծվեն նոր արտադրական տեղամասեր

Ադրբեջանի պաշտպանության արդյունաբերության ոլորտում կստեղծվեն նոր արտադրական տեղամասեր, այս մասին ըստ Trend գործակալության հայտարարել է Ադրբեջանի պաշտպանական արդյունաբերության նախարար Յավեր Ջամալովը. «Մինչեւ մարտի վերջը ծրագրվում է ութ նոր արտադրական տեղամասերի շահագործումը: Այստեղ կիրականացվի նոր զինամթերքի արտադրություն»: Ջամալովի խոսքով, 2006-ի համեմատ` 2010-ին պաշտպանության արդյունաբերության ոլորտում արտադրությունը մեծացել է 115 անգամ, իսկ անցյալ տարվա համեմատ` 3,6 անգամ:
Ջամալովի խոսքերով, նռնականետների արկերի սերիական արտադրությունը կսկսվի 2011թ. առաջին կեսից: 4 տեսակի նռնականետների արկերի արտադրության համար նախատեսվում է օգտագործել արտասահմանից բերված հատուկ սարքավորում: Յավեր Ջամալովը նաև հայտնել է, որ արդեն սկսվել է 12,7, 14,5, 23 և 30 մմ-անոց տրամաչափի փամփուշտների սերիական արտադրությունը::
Ավելի վաղ նա հայտնել էր, որ 2010 թվականի առաջին կիսամյակում Ադրբեջանում արտադրվել է 61,1 մլն մանաթի զենք: 2010 թ.-ին ռազմական նշանակության ապրանքների արտադրության պայմանագրերի արժեքը 2006-ի համեմատ աճել է 115 անգամ, 2007-ի համեմատ` 9,6 անգամ, 2008-ի համեմատ` 6 անգամ: