Հոլիվուդի ամենագեղեցիկ զույգն ամուսնալուծվում է

Ինչպես հայտնում է People ամսագիրը, երեքշաբթի` դեկտեմբերի 14-ին, դերասանուհի Սկարլետ Յոհանսոնը և նրա ամուսինը` կանադացի դերասան Ռայան Ռեյնոլդսը, հայտարարեցին իրենց ամունալուցության մասին:
26-ամյա դերասանուհին նշել է, որ իրենց ամուսնալուծության պատճառը նկարահանումների ծանրաբեռնված գրաֆիկն է: Զույգը նշել է, որ իրենց որոշումն ամբողջությամբ մտածված է, և նրանք սիրով են բաժանվում: Հայտնվում է նաև, որ դերասանները որոշել էին բաժանվել դեռ կես տարի առաջ, և դրա կողմնակիցն էր Յոհանսոնը:
Յոհանսոնը հայտնի է «Թարգմանության դժվարություն» և «Վիկի Կրիստինա Բարսելոնա» ֆիլմերով: Նրա մասնակցությամբ նոր ֆիլմ է «Վրիժառուները» (The Avengers), որի շնորհանդեսը տեղի կունենա 2012թ.-ին:
34-ամյա Ռեյնոլդսը հայտնի է «Իքս մարդիկ» և «Երեկույթների թագավորը» ֆիլմերով: 2011թ.-ին կցուցադրվի նրա մասնակցությամբ մի ֆիլմ` «Կանաչ լուսարձակը» անունով: Հատկանշական է, որ 2010 նոյեմբերին People ամսագիրը նրան ճանաչել է տարվա ամենասեքսուալ տղամարդ:
Յոհանսոնը և Ռեյնոլդսը ամուսնացել են 2008թ.-ի սեպտեմբերին, և նրանց ամուսնական արարողությանը մասնակցել են միայն ամենամոտ մարդիկ: