Բեռլինի քաղաքագլուխ Քլաուս Վովերայթը հայտնել է, որ քաղաքային իշխանությունները գոհ են այս արդյունքից: 10 միլիոն զբոսաշրջիկների շեմը հաղթահարելու համար Բեռլինից պահանջվեց 55 տարի, իսկ 20 միլիոնի համար` ընդամենը 10 տարի:
Այնուամենայնիվ մոտակա տարիներին հասնել Լոնդոնին (45 միլիոն զբոսաշրջիկ) և Փարիզին (33.9 միլիոն զբոսաշրջիկ) Բեռլինին հազիվ թե հաջողվի: 30 միլիոնի շեմին Գերմանիայի մայրաքաղաքը ձգտում է հասնել ոչ շուտ, քան 2020թ.ին:
Նշվում է, որ Բեռլինին հաջողվել է հասնել նման ցուցանիշի «ցածր» տուրիստական սեզոնի շնորհիվ (ուշ աշուն և ձմեռ): «Մենք ինքներս մեզ հարցրինք, թե ինչու են մարդիկ մեկնում Նյու-Յորք ամանորյա գնումների համար, եթե նրանք բեռլինյան ամանորյա շուկաներում կարող են անել ոչ պակաս արդյունավետ առևտուր»,- նշել է Վովերայթը:
Արդյունքում իշխանությունները հատուկ ծրագիր գործարկեցին «Ձմեռային հրաշքներ» (Winterzauber) անունով, որը հատուկ ուղղված էր նոյեմբեր-դեկտեմբեր ամիսներին զբոսաշրջիկների ներհոսքն ավելացնելու համար: Նշվում է, որ այդ 20 միլիոն զբոսաշրջիկների կեսը բաժին է ընկնում գերմանացիներին: Արտասահմանցի զբոսաշրջիկներից Բեռլինն ամենամեծ հեղինակությունն է վայելում իտալացիների, անգլիացիների, իսպանացիների ու ամերիկացիների մոտ: