ՀՀ կառավարության մամուլի կենտրոնում հրավիրված ասուլիսի հյուրն էր Ֆինանսների նախարարության ներքին աուդիտի գնահատման և ֆինանսական վերահսկողության վարչության պետ Սոնա Ղարիբյանը, ով ամփոփել է 2009-2010 թվականներին վարչության կողմից իրականացված աշխատանքները:
Բանախոսը նշել է, որ հաշվետու ժամանակահատվածում վարչությունն իրականացրել է ռիսկերի վրա հիմնված վերահսկողություն, որի արդյունքում ՀՀ պետական և համայնքային բյուջեներ է վերադարձվել կամ վերականգնվել 12, 6 մլրդ դրամ: Այդ գումարներից 8.4 մլրդ դրամը բաժին է ընկնում 2010 թվականին, իսկ 4.3 մլրդը` 2009 թվականին:
Սոնա Ղարիբյանն ըստ ռիսկային ոլորտների ներկայացրել է խախտումները, որոնք տեղ են գտել ուսումնասիրությունների արդյունքում:
Սոնա Ղարիբյանը նշել է. «2009-2010 թվականներին արձանագրված թերությունների համար պատասխանատու մարմինների կողմից 219 մարդ ենթարկվել են պատասխանատվության: Թվով 11 գործ Ֆինանսների նախարարության կողմից ներկայացվել է իրավապահ մարմիններին, որից 2-ն ուսումնասիրությունների փուլում են Գլխավոր դատախազությունում, մնացած 9-ի մասով արդեն իսկ թվով 22 հայցադիմումներ են կազմվել ու ներկայացվել դատարաններ և հարուցվել է 11 քրեական գործ»:
Լուսանկարը` PanarmenianPhoto-ի
