Հոլիվուդյան ռեժիսոր Ռեննի Հառլինի՝ 2008 թվականի օգոստոսյան ռուս-վրացական պատերազմի մասին պատմող ֆիլմի պրեմիերան ծրագրված է 2011 թվականի գարնանը: Այդ մասին այսօր վրացական «Ռուսթավի-2» հեռուստաընկերության եթերում հայտնել է կինոնկարի ռեժիսորներից մեկը՝ Ջորջ Լասկուն: Նա նշել է, որ ֆիլմը էկրաններին կհայտնվի «Օգոստոսի հինգ օրը» վերնագրով: «Ֆիլմի նկարահանումն ավարտված է, և ամերիկյան բայերների ու կինոմարկետների համար դրա ցուցադրումն արդեն իրագործվել է: Ֆիլմը բոլորին դուր է եկել և լավ տպավորություն է թողել»,-նշել է Լասկուն: Նա ասել է, որ ֆիլմը կցուցադրվի աշխարհի 50 երկրում, ընդ որում՝ Մեծ Բրիտանիան, Ֆրանսիան և Գերմանիան արդեն ձեռք են բերել դրա տարածման իրավունքը: