Ընդհանուր հանցագործությունների գծով բացահայտումը աճել է շուրջ 3 տոկոսով, քրեական հետախուզության գծով՝ շուրջ 2.6 տասնորդական տոկոսով, ծանր հանցագործություններով՝ 0.4 տասնորդական տոկոսով, առանձնապես ծանր հանցագործություններով՝ շուրջ 9.6 տասնորդական տոկսով: Այս մասին այսօր տեղեկացրեց ոստիկանության պետի առաջին տեղակալ Հունան Պողոսյանը և ավելացրեց, որ ոստիկանության ղեկավարության առանձնակի ուշադրության կենտրոնում են սպանությունների և սպանության փորձերի բացահայտման աշխատանքները: 11 ամիսների ընթացքում սպանությունների նվազման հետ մեկտեղ աճել են նաև բացահայտման ուղղությամբ տարվող աշխատանքները: Գրանցված սպանության 42 և սպանության փորձերի 25 դեպքերից բացահայտվել է 26-ը, իսկ 35-ը ընթացքի մեջ են, 6-ը չի բացահայտվել: Ընդհանուր առմամբ, բացահայտվել է սպանության և սպանության փորձերի 42 դեպք: Նվազել են մահվան ելքով ճանապարհային երթևեկության կանոնները խախտելու դեպքերի բացահայտման ցուցանիշները: Նախորդ տարի եղել է 88.8 տոկոս, այս տարի՝ 82. 9 տոկոս: Աճել է սեփականության դեմ ուղղված հանցագործության դեպքերի բացահայտման արդյունավետությունը. մասնավորապես անձնական գույքի ավազակության՝ անցյալ տարվա բացահայտման ցուցանիշը եղել է շուրջ 52 տոկոս, այս տարվանը՝ 70.6 տոկոս: Բնակարանային գողությունների 9 տոկոսի աճ է գրանցվել: Թմրամիջոցների ապօրինի շրջանառության ոլորտում կատարվող հանցագործությունների առումով հարկ է նշել, որ այս տարի նույնպես նկատվել է անցյալ տարվա նույն տենդեցը՝ 11 ամիսների ընթացքում հայտնաբերվել է 1,335 դեպք: Թմրամիջոցների իրացման դեպքերի հայտնաբերումը նախորդ տարվա համեմատ ավելացել է 274-ով: 2010 թ. 9 ամիսներին հանրապետության իրավապահ համակարգի կողմից հայտնաբերվել և առգրավվել են 72 կգ 574 գրամ տարբեր տեսակի թմրամիջոցներ, հոգեմետ նյութեր, բաղադրիչ պրեկուսոր հանդիսացող նյութեր և մի շարք այլ թմրանյութեր: Ծանր տեսակի թմրամիջոցները հիմնականում ՀՀ ներկրում են այլ պետություններից: Պետական ծառայության դեմ ուղղված հանցագործությունների հաշվետու ժամանակահատվածում հայտնաբերվել է կաշառակերության 57 դեպք, ընդ որում՝ 37 դեպքը բացահայտվել է ոստիկանության ստորաբաժանումների կողմից: