Հոկտեմբերի 22-23-ը «Անի պլազա» հյուրանոցում տեղի կունենա Մարդու իրավունքների եվրոպական դատարանի իրավական դիրքորոշումները թեմայով Երեւանյան15-րդ միջազգային խորհրդաժողովը: Օրակարգում են լինելու հարցեր` կապված Մարդու սահմանադրական իրավունքների ապահովման, պաշտպանության եւ ընդունված պրակտիկայի հետ: Բացման խոսքով հանդես կգան ՀՀ Սահմանադրական դատարանի նախագահ Գագիկ Հարությունյանը, վարչապետ Տիգրան Սարգսյանը, Եվրախորհրդի Վենետիկի հանձնաժողովի նախագահ Ջիանի Բուքիքիոն, Սահմանադրական իրավունքի միջազգային ընկերակցության նախագահ Դիդիե Մոսը, ՀՀ-ում Գերմանիայի արտակարգ եւ լիազոր դեսպան Հանս-Յոխեն Շմիդտը: Խորհրդաժողովին կմասնակցեն Ռուսաստանի Դաշնության ՍԴ նախագահ Վալերի Զորկինը, նաեւ Մարդու իրավունքների Եվրոպական դատարանի դատավորներ Ալվինա Գյուլումյանը, Աննա Փաուերը, Դավիդ Տոր Բյորգվինսոնը եւ այլք. մոտ 30 երկրներից ժամանած ՍԴ ներկայացուցիչներ եւ դատավորներ: