Համահայկականը ամփոփում է

Հայաստան համահայկական հիմնադրամի գործադիր տնօրեն Արա Վարդանյան այսօր, ամփոփելով հեռուստամարաթոնի արդյունքները, նշեց, որ այս տարի գերազանցել են նախորդ տարվա 30.000 հազար մասնակիցների թիվը. «Այս տարի ունեցանք 42.600 անհատ և կազմակերպություն միայն Հայստանում, որից 20.000 sms նվիրատվություն, 19.000 փոստային նվիրատվություն: Ես համոզված եմ, որ տարեցտարի այս թիվը կավելանա»:
Վարդանյանն ավելացրեց, որ իրենց գերխնդիրն այն է, որ Հայաստանը առաջատար լինի ոչ միայն մասնակիցների թվով, այլ նաև գումարների չափով. «Այս տարի իրականացվեց նաև online նվիրատվություն (150 նվիրատվություն): Մենք յուրաքանչյուր տարի ունենում ենք նաև հայ բիզնեսմենների կողմից կատարված նվիրատվություններ»:
Լրագրողների այն հարցին, թե ՀՀ ներկայիս նախագահ Սերժ Սարգսյանը և նախկին նախագահ Ռոբերտ Քոչարյանը անո՞ւմ են արդյոք նվիրատվություն, Վարդանյանը պատասխանեց, որ թե՜ ներկայիս, թե՛ նախկին նախագահները կատարում են նվիրատվություն իրենց աշխատավարձի չափով:
Վարդանյանն ավելացրեց, որ այս պահի դրությամբ կուտակված գումարից 6 մլն-ն արդենն փոխանցվել է, և կսկսվեն ջրամատակարարման աշխատանքները. «Նշված գումարով անհնար է ջրամատակարարման ողջ խնդիրը լուծել, կարծում եմ, որ մյուս տարի հեռուստատամարաթոնը նույնպես ուղղված կլինի ջրամատակարարմանը»:
Հիշեցնենք, որ այս տարվա հեռուստամարաթոնի ընթացքում հանգանակվել է 20 862 733 ԱՄՆ դոլարի նվիրատվություն և խոստում, որն ուղղված կլինի Լեռնային Ղարաբաղի գյուղերի ջրամատակարարման խնդրի լուծմանը, ինչպես նաև Հայաստանի գյուղերի զարգացմանը: