ԲՀԿ նախագահ Գագիկ Ծառուկյանի մամուլի խոսնակ Խաչիկ Գալստյանը պարզաբանում է տարածել, ըստ որի Գագիկ Ծառուկյանը վերջին շաբաթվա ընթացքում բացակայում էր հանրապետությունից և իր կարճատև արձակուրդն անց էր կացնում արտերկրում` ընտանիքի անդամների հետ:
Պարզաբանման մեջ նաև նշվում է. «Թե արձակուրդի օրերին, թե վերադառնալուց հետո, նրան մշտապես զեկուցվել է Հայաստանում տեղի ունեցող առավել կարևոր իրադարձությունների մասին: Գագիկ Ծառուկյանը քաջատեղյակ է կուսակցության անվան հետ կապվող տարբեր առաջարկներին, վերլուծություններին, մեկնաբանություններին ու նաև կեղծ լուրերի միտումնավոր տարածման փաստերին: Նա այդ ամենն ընդունել է ի գիտություն:
Հավելեմ նաև, որ առաջիկա ամսվա ընթացքում Գագիկ Ծառուկյանի աշխատանքային գրաֆիկը խիստ հագեցած է. նախատեսված են բազմաթիվ հանդիպումներ, ընդունելություններ, աշխատանքային խորհրդակցություններ, բարեգործական ակցիաներ»: