Այսօր Հայաստանի առևտրաարդյունաբերական պալատում, մոտ 20 արտահանողների մասնակցությամբ, տեղի ունեցան արտահանման վերաբերյալ քննարկումներ: Արտահանողների խոսքերից կարելի էր եզրակացնել, որ նրանք հիմնականում դժգոհություններ չունեին պետական կառավարման մարմիններից, թեև կարծիքներ հնչեցին, որ անհրաժեշտ է ապրանքների որակի փորձաքննության վերաբերյալ հավաստագրեր տրամադրելիս խոշոր արտահանողներից ավելի շատ վճար գանձել, քան թե փոքրերից: Մինչդեռ այսօր էկոնոմիկայի նախարարությունը ճիշտ հակառակն է անում: Ինչ վերաբերում է մաքսային մարմիններին ու անցակետերում ապրանքները արտահանելու հետ կապված խնդիրներին, արտահողները նշում էին, որ որևէ խնդիր չի առաջանում, երբեմն մաքսային մարմիններում աշխատում են արտաժամյա, որպեսզի կարողանան ձևակերպել համապատասխան փաստաթղթերը: Ինչ վերաբերում է ընդունող երկրներին, ապա այս տեսակետից արտահանողները երբեմն խնդիրների են հանդիպում` կապված տարբեր տեսակի բազմաթիվ փաստաթղթեր ներկայացնելու հետ:
