«Առաջին լրատվական»-ի աղբյուրները տեղեկացնում են, որ սույն թվականի նոյեմբերի 17-ին Մասիս քաղաքի քաղաքապետարանում ձերբակալված քաղաքապետարանի կոմունալ բաժնի պետ Արթուր Մայիսի Ղազարյանի գործով ընթանում են քննչական գործողություններ: Այս պահին մեզ հաջողվեց պարզել, որ օրեր առաջ գործը քննող քննիչը Արթուր Ղազարյանին ուղարկել է նարկոդիսպանսեր` պարզելու համար` նա թմրադեղ օգտագործել է, թե ոչ:
Այսօր առավոտյան հայտնի է դարձել, որ Արթուր Ղազարյանից վերցված մազի և մեզի անալիզների պատասխանը դրական է եղել:
Հիշեցնենք, ձերբակալվածի հայրը` Մայիս Ղազարյանը, Մասիսի Ընտրական հանձնաժողովի «Բարգավաճ Հայաստան» կուսակցության ներկայացուցիչն է:
Ըստ մեր տեղեկությունների` ձերբակալվածը «Բարգավաճ Հայաստան» կուսակցության անդամ է:
