Ինչպես գրում են NBC News-ը և Wall Street Journal-ը, Բարաք Օբաման շարունակում է համարվել ԱՄՆ ամենահայտնի քաղաքական գործիչը:
Ըստ հարցումների, եթե ընտրությունները կայանային առաջիկա կիրակի օրը, ապա նախագահ Օբաման կհաղթեր իր հիմնական մրցակից հանրապետական Սառա Փեյլինին, որին շատ վերլուծաբաններ անվանում են Հանրապետական կուսակցության հիմնական թեկնածուներից մեկը: Ենթադրյալ այդ ընտրություններում Օբաման կհավաքեր 55%, իսկ Փեյլինը` 33%:
Եթե այդ մրցակցությանը մասնակցեր Մասաչուսեթսի հայտնի նահանգապետ Միթ Ռոմնին, որը բավականին հայտնի է ԱՄՆ-ում և մասնակցել է անցած նախագահական ընտրությունների քարոզարշավին, ապա ամերիկացիները կրկին կնախընտրեին Օբամային, բայց այս անգամ նա կստանար 47%, իսկ Ռոմնին` 40%:
Սակայն Օբամային աջակցության ընդհանուր տոկոսները զգալի նվազել են: Դեկտեմբերին Օբամայի գործունեությանը հավանություն է տալիս ամերիկացիների 48%-ը, այնինչ նոյեմբերին այդ թիվը կազմում էր 49%:
Երբ 2009 թ. փետրվարին ստանձնեց նախագահի պաշտոնը, Օբաման ուներ ամերիկացիների 68%-ի աջակցությունը: