«Երկիր»-ը գրում է, որ Ադրբեջանի իշխանությունները հերթական անգամ հայտնվել են միջազգային սկանդալի կենտրոնում: Այս անգամ խոսքը Ադրբեջանի համար դրամական արժեթղթեր տպագրող ավստրիական ընկերության հետ համաձայնագրի ստորագրման ժամանակ կաշառքի դեպքի մասին է:
«Ավստրիայի դատախազությունն արդեն սկսել է հետաքննել միջազգային մասշտաբի կոռուպցիայի փաստով գործը, որում 20 կասկածյալ կա, այդ թվում` Ավստրիայի Կենտրոնական բանկի 6 գործադիր տնօրենները և ղեկավարը: Ավստրիայի Կենտրոնական բանկի ստեղծած OeBS ընկերությունը կաշառքներ է տվել տարբեր երկրների, այդ թվում՝ Ադրբեջանի պաշտոնյաների, ազգային արժույթի տպագրման պայմանագրեր ստանալու համար:
2010-ի մարտի 24-ին OeBS-ի գործադիր տնօրենը Կենտրոնական բանկի տնօրենների խորհրդին հայտնել է, որ 150 մլն ադրբեջանական մանաթի տպագրման պայմանագրում նախատեսվում են 10 տոկոս «կոմիսիոն վճարներ», իսկ տնօրենների խորհուրդը հանձնարարել է OeBS-ին Ադրբեջանի հետ նույն պայմաններով համագործակցել նաև 2011-ին ու 2012-ին»: