Խորհրդարանն այսօր իր արտահերթ նիստը սկսեց «Աղբահանության և սանիտարական մաքրության մասին» օրենքի նախագծի քննարկումներով: ԱԺ անկախ պատգամավոր Վիկտոր Դալլաքյանն իր ելույթում հարցրեց՝ մի՞թե այսօր երկրի ամենակարևոր խնդիրը աղբահանությունն է, որը նման «ակադեմիական» քննարկման է արժանացել: Ըստ նրա` այսօր երկրի առաջ կարևորագույն խնդիրը ոչ թե աղբահանությունն է, այլ աղբի միջից սնունդ հայթհայթողները, աղքատությունը և դեմոգրաֆիական վիճակը: Դալլաքյանն ասաց, որ թեև չի ուզում խաղալ ԱԺ պատգամավորների զգացմունքների հետ, սակայն ՀՀ–ում կան ընտանիքներ, որտեղ երեխաներին շուտ են քնեցնում, որպեսզի հաց չուզեն, իսկ երազում էլ այդ երեխաները ցամաք հաց են տեսնում: Ըստ Վիկտոր Դալլաքյանի` շատ ավելի ճիշտ է, որպեսզի ԱԺ դահլիճը քննարկի «Ավգյան ախոռները մաքրելու» հարցը, այլ ոչ թե աղբահանությունը: